၁၈၊ ၁၂၊ ၂၀၀၇
ဗမာ ဆွေမျိုးစပ်နည်း
ဗမာ ဆွေမျိုးစပ်နည်းများမှာ အနောက်တိုင်း ဆွေမျိုးစပ်နည်းများနှင့် နှိုင်းယှဉ်လျှင် အတော်ပင် တိကျသည်ဟု ဆိုသော် ရနိုင်၏။ ဘိုလို “အန်ကယ်” (Uncle) ဆိုသည်မှာ မိခင် (သို့) ဖခင်၏ ညီ (သို့) အစ်ကို (သို့) မောင် တစ်ဦးဦး ဖြစ်နိုင်ပေသည်။ ဗမာလို ဆိုလျှင် “ဦးကြီး” ဟု ပြောလိုက်သည်နှင့် မိခင်၏ “အစ်ကို” မှန်း သိ၏။ ထို့အတူ “ဘဒွေး” ဟု ပြောလျှင် ဖခင်၏ “ညီ” မှန်း သိ၏။ ကွက်ကွက်ကွင်းကွင်း ရှိသည်။
ယနေ့ အင်တာနက် ခေတ်တွင် လူငယ်များ အနောက်တိုင်း ယဉ်ကျေးမှုကို လေ့လာ၊ လိုက်စား၊ ပြောင်းလဲ ကျင့်သုံးကြရာ၌ မိရိုးဖလာ ယဉ်ကျေးမှုများထဲမှ မှန်ကန်တိကျ အသုံးဝင်သော ကိစ္စများကို မပစ်ပယ်ကြစေရန် အလို့ငှာ ဤပို့စ်ကို တင်ပါသည်။
အဖေတူ အမေတူ သားသမီးများ
မိမိသည် အမျိုးသမီး ဖြစ်ပါက ...မိမိထက် အသက်ငယ်သော ယောက်ျားလေး ဆိုလျှင် ... မောင်
မိမိသည် အမျိုးသား ဖြစ်ပါက ...
မိမိထက် အသက်ငယ်သော ယောက်ျားလေး ဆိုလျှင် ... ညီ
အမျိုးသား၊ အမျိုးသမီး မဟူ ...
မိမိထက် အသက်ကြီးသော မိန်းကလေး ဆိုလျှင် ... အစ်မ
မိမိထက် အသက်ကြီးသော ယောက်ျားလေး ဆိုလျှင် ... အစ်ကို
မိမိထက် အသက်ငယ်သော မိန်းကလေး ဆိုလျှင် ... ညီမ၊ နှမ
ဖခင်ဖက်မှ အမျိုးအဆွေများ
ဖခင်၏ အစ်မ ... ဒွေးကြီးဖခင်၏ ညီမ ... ဒွေးလေး
ဖခင်၏ အစ်ကို ... ဘကြီး
ဖခင်၏ ညီ ... ဘဒွေး
မိခင်ဖက်မှ အမျိုးအဆွေများ
မိခင်၏ အစ်မ ... ဒေါ်ကြီးမိခင်၏ ညီမ ... ဒေါ်လေး
မိခင်၏ အစ်ကို ... ဦးကြီး
မိခင်၏ မောင် ... ဦးလေး
ဘိုး - ဘွားများ
ဖခင်၊ မိခင် တို့၏ အဖေအမေ ... အဘိုး(ကျား)၊ အဘွား (မ)အဘိုး၊ အဘွား တို့၏ အဖေအမေ ... ဘေး (ကျား၊မ ခွဲပုံမရ)
ဘေး တို့၏ အဖေအမေ ... ဘီ (ကျား၊မ ခွဲပုံမရ)
ဘီ တို့၏ အဖေအမေ ... ဘင် (ကျား၊မ ခွဲပုံမရ)
မြေး - မြစ်များ
မိမိ၏ သားသမီးက မွေးသော ကလေးများ ... မြေး(ကျား)၊ မြေးမ(မ)မိမိ၏ မြေးများက မွေးသော ကလေးများ ... မြစ် (ကျား၊ မ ခွဲပုံမရ)
မိမိ၏ မြစ်များက မွေးသော ကလေးများ ... တီ (ဟုတ်ကော ဟုတ်ရဲ့လား မသိပါဘူးဗျာ)
မိမိ၏ တီများက မွေးသော ကလေးများ ... တွတ် (ဟုတ်ကော ဟုတ်ရဲ့လား မသိပါဘူးဗျာ)
တူ - တူမများ
မိမိ၏ ညီအစ်ကို မောင်နှစ်မ များကမွေးသော ကလေးများ ... တူ(ကျား)၊ တူမ(မ)၀မ်းကွဲများ
ဖိုး-ဖွား ချင်း တူသူများ ... တစ်ဝမ်းကွဲဘေး ချင်း တူသူများ ... နှစ်ဝမ်းကွဲ
ဘီ ချင်း တူသူများ ... သုံးဝမ်းကွဲ
အဖေနှင့် အမေ တစ်ဦးသာတူသော သားသမီးများ
အဖေတူ၊ အမေကွဲ ... အကို၊ မောင်၊ နှမ၊ ညီ၊ ညီမအမေတူ၊ အဖေကွဲ ... အကို၊ မောင်၊ နှမ၊ ညီ၊ ညီမ
(မှတ်ချက်။ ။ ဘိုလို ဆိုလျှင် ... half cousin ဟု တစ်မျိုးတည်းသာ သုံးသည်။)
အိမ်ထောင်အသစ် ထူထောင်ခြင်း
မိမိသည် အမျိုးသမီး ဖြစ်ပြီး နောက်အိမ်ထောင်ပြုပါက ...ထိုအမျိုးသား၏ မူလ အိမ်ထောင်မှ ကလေးများမှာ ... လင်ပါ သား၊ သမီး
မိမိသည် အမျိုးသား ဖြစ်ပြီး နောက်အိမ်ထောင်ပြုပါက ...
ထိုအမျိုးသမီး၏ မူလ အိမ်ထောင်မှ ကလေးများမှာ ... မယားပါ သား၊ သမီး
မိမိ၏ မိခင်မှ နောက်အိမ်ထောင်ပြုပါက ...
ထိုအမျိုးသားမှာ ... ပထွေး
မိမိ၏ ဖခင်မှ နောက်အိမ်ထောင်ပြုပါက ...
ထိုအမျိုးသမီးမှာ ... မိထွေး
မိမိ အိမ်ထောင်ဖက်၏ အမျိုးအဆွေများ
အိမ်ထောင်ဖက်၏ အဖေအမေ ... ယောက္ခမမိမိသည် အမျိုးသမီးဖြစ်ပါက ...
ခင်ပွန်း၏ အစ်မ၊ နှမ ... ယောင်းမ
ခင်ပွန်း၏ အစ်ကို ... ခဲအို
ခင်ပွန်း၏ ညီ ... မတ်
မိမိသည် အမျိုးသား ဖြစ်ပါက ...
ဇနီး၏ အစ်မ ... မရီး
ဇနီး၏ နှမ ... ခယ်မ
ဇနီး၏ အစ်ကို၊ မောင် ... ယောက်ဖ
ဝန်ခံချက်။
စာရေးသူ ငယ်စဉ်က ဖတ်ဖူးသော “ဗမာဆွေမျိုးစပ်နည်း” (စာရေးသူအမည်မေ့၊ စာပေဗိမာန်က ထုတ်သည်ထင်) စာအုပ်ထဲမှ အကြောင်းအရာများ ကို မှတ်မိသရွေ့ ရေးသားခြင်း ဖြစ်ပါသည်။ စာရှုသူ မိတ်ဆွေအများ လိုအပ်ချက်များ တွေ့ရှိပါက ဖြည့်စွက်ပေးကြပါရန် ပန်ကြားလိုက်ပါသည်။
7 comments:
ကျေးဇူးပါ..ရန်ကုန်ကလူတွေ အဲလိုခေါ်ကြဘူးဆိုတော့
သိပ်မသိဘူး
what an amazing contribution! for the english, anyone outside your immediate family is a cousin. that's all; you don't have a clue where exactly on the family tree that person is! i am thankful to our system for its complex but accurate ranking method. well worth maintaining! all burmese youngsters as well as some old-but-not-so-informed folks should learn it well.
သမုဒယ ..
ဟုတ်မယ်ဗျ။ ရန်ကုန်သူ၊ ရန်ကုန်သားတွေ အဲဒီလို သိပ်မခေါ်ကြဘူး။ ဗမာစကားလည်း တခါတရံ စကားလုံးကြွယ်တာလေးတွေ ရှိတယ်ဆိုတာ သိလာရင် လူငယ်တွေ ဗမာစာကို ပိုပြီး အသုံးချကြမလားလို့ မျှော်လင့်မိတာပါ။
anonymous,
thanks for your comment. i am not the original contributor of this post. i just recalled what i read long time ago plus what i learned from my family. anyway, i am really glad that you found it useful and hope you would share this with others.
ရန်ကုန်က ရှေးရိုးကျတဲ့သူတွေ ဒီလိုခေါ်ကြပါတယ်။ ဒွေးကြီးဒွေးလေးမခေါ်ဘဲ ကြီးတော် ဒေါ်ကြီး စသဖြင့် ခေါ်ကြပါတယ် ။ အဖေက နောက်အိမ်ထောင်ပြုလို့့ မွေးလာသူမောင်နမကို အဖေတူ အမေကွဲ၊ အမေက နောက်အိမ်ထောင်ပြုလို့ မွေးလာသူမောင်နမကို အမေတူ အဖေကွဲလို့ ခေါ်ကြပါသေးတယ်
တခုထူးဆန်းနေသလိုဘဲ ဂျေတို့ ခေတ်က ကိုရဲမွန်ရေးတဲ့ ဆွေမျိုးအခေါ်အဝေါ်ကို မြန်မာပြည် တပြည်လုံးက သာမဟုတ်ဘဲ ရန်ကုန်သူ ရန်ကုန်သား တွေကလည်း ခေါ်ဝေါ် သုံးဆွဲ ကြပါတယ်။ တခုတော့ရှိတယ် ဒွေးကြီး၊ ဒွေးလေး အစား ကြီးတော်၊ ဒေါ်လေး။ ဦးကြီးအစား ဘကြီး သုံးပါတယ်။ ခုခေတ် ရန်ကုန်က ကလေးတွေက ဒါတွေမသိဘူးလား၊ ရန်ကုန်မှာ ဒီလိုမခေါ်ဘူးလို့ ဆိုတာ လွန်စွာမှ အံ့သြသွားမိပါတယ်။ မိဘတွေက အင်္ဂလိပ်လို ဘဲ ခေါ်ခိုင်း နေကြလို့ လား။ မြန်မာ့ယဉ်ကျေးမှု ရှေးရိုးစဉ်လာကို သင်ပေးတဲ့ (မြန်မာစာ)ဆရာမ မရှိတာလား၊ စဉ်းစားလို့ မရဘူး။ အခုလို မသိကြတာ မြန်မာပြည်နောင်ရေး ရင်လေး မိပါတယ်
ပုံ
ရန်ကုန်မြို့ သားစစ်စစ် (အညာလုံးဝမရောက်ဘူးပါ)
ကျွန်တော်တို့ ရွှေဘိုမှာတော့ တော်တော်များများ သုံးတယ်ဗျ ...
ကျွန်တော့် ညီမရဲ့ သမီး (ကျွန်တော့် တူမ) က ကျွန်တော့် ကို ဦးကြီးလို့ ခေါ်တာ ရန်ကုန်က လူတွေက မသိကြဘူးဗျ ... အထူး အဆန်းဖြစ်နေတယ်
ဟုတ်ပါတယ်ဆြာစိုးထက် ရန်ကုန်က ဘကြီးလို့ ခေါ်ပါတယ် ဦးကြီးဆိုတာ ဖတ်စာအုပ်မှာ ကာတွန်းတွေ မှာပါတော့ တောရွာက အခေါ်အဝေါ်လို့ ထင်ကြပါတယ်။ ဘကြီး။ ကြီးတော် သုံးပါတယ်၊ ဆြာတို့ အသက်ပိုင်းခြား လောက်မှာ ရန်ကုန်ကလူတွေ က အင်္ဂလိပ်လို ခေါ်ကြတာလား ကျောင်းက မြန်မာစာဆရာတွေ က မသင်ကြားမပို့ ချလို့ လားမပြောတတ်ပါဘူး။ ကျနော်တို့ ခေတ်ကတော့ အခေါ်အဝေါ်အကုန်သိကြပါတယ်။ နှောင်းခေတ်လူသားလို့ တောင် သတ်မှတ်ရမလို ဖြစ်နေပါပြီ
Post a Comment