Tuesday, April 24, 2007

A day with Bill Gates

၂၄၊ ၄၊ ၂၀၀၇


ဘီလ်ဂိတ် နှင့် ဆုံခဲ့ရသော တစ်နေ့တာ


စာရေးသူ ပညာသင်နေတဲ့ တက္ကသိုလ် ကို ဖေဖေ ဘီလ်ဂိတ် တစ်ယောက် အလည်လာမယ် ဆိုကတည်းက အမှတ်တရ စာအုပ်ပြင်ဆင်သူက ပြင်ဆင်၊ ကျေးဇူးတင်စကား ပြောဖို့ ဇာတ်တိုက်သူက ဇာတ်တိုက်၊ ဧည့်ခံကျွေးမွေးရေး အတွက် စီစဉ်သူက စီစဉ် နှင့် အားလုံး ကိုယ်စီ အလုပ်ရှုပ်နေကြသည်။ ပါမောက္ခချုပ် ကိုယ်တိုင်ပင် ဧည့်ခံပွဲ တက်မယ့်သူတွေကို လှမ်းဖိတ်၊ လာမှာလား မလာဖူးလား အကြောင်းပြန်ကြပါ စသည်ဖြင့် ဗျာများနေသည်။ စာရေးသူကတော့ သာမာန် ကျောင်းသား တစ်ယောက်သာမို့ ဘာမှ တာဝန် ကြီးကြီး မယူရပါ။ ဆိုင်းသံအတိုင်း လိုက် က ရုံပ။

ဒီလိုနဲ့ ဖေဖေဂိတ် လာခါနီး နှစ်ရက်လောက်လည်း ကျရော ဂိတ် အင်စတီကျု ညွှန်ကြားရေးမှူး လည်းဖြစ် စာရေးသူရဲ့ ကျမ်းပြု အကြံပေး ဆရာမ ဒေါ်အေမီချွိုင်း က လှမ်းခေါ်ပြီး မြန်မာပြည်က လာမယ့် ဆရာမ တစ်ယောက်က အချိန်မီ မရောက်လာ နိုင်လို့ သူ့ကိုယ်စား ကျေးဇူးတင် စကားပြောပေးပါတဲ့။ အဲဒါမှ ဂွပဲ။ နေသာသပ လေညာက ဆိုပြီး နေလာလိုက်တာ အချိန် ကပ်ကာမှ ခေါင်းပေါ်ကို အထုပ်ကြီး ပြုတ်ကျလာတယ်။ ကိုယ့်ဖာသာရေး ကိုယ့်ဖာသာပြောဆိုရင် နည်းနည်း တော်သေးတယ်။ အခုဟာက ကျန်းမာရေး ၀န်ကြီးဌာနက ညွှန်ကြားရေးမှူး (ဒီကို မလာဖြစ်တဲ့ ဆရာမရဲ့ လက်ရှိအလုပ်) ကိုယ်စားပြောရမှာ ဆိုတော့ သူဆိုလိုချင်တာ ကို သေသေချာချာ မပြော နိုင်ရင် ဒုက္ခ။ ဒါပေမယ့်လည်း ရှောင်လွှဲလို့ မရပါဘူးလေ။ တစ်နှစ်တစ်နှစ်ကို မြန်မာကျပ်ငွေ သိန်းငါးရာ လောက် အကုန်အကျခံပြီး ကျောင်းထားပေးထားတဲ့ ကျေးဇူးရှင်တွေကို ကျေးဇူးတင်စကားပြောရမှာ ဘယ့်လောက်ကောင်းလိုက်လဲ။ ဟုတ်တယ်ဗျ ဒီက ကျောင်းစရိတ်၊ နေစရိတ်၊ သွားစရိတ်၊ စားစရိတ် က အစစ အရာရာ ဈေးကြီးတော့ အဲလို ထောက်ပံ့ငွေများ မရလို့ ကတော့ စာရေးသူတို့လို ရွှေ တွေ ကိုယ့်စရိတ်နဲ့ ကိုယ် ပညာလာသင်ဖို့ ဆိုတာ လေထဲမှာ တိုက်အိမ်ဆောက် သလိုဖြစ်နေတာပေါ့။

စကား ပြန်ဆက်ရရင် ရန်ကုန်က (ဒီကို မလာဖြစ်တဲ့) ဆရာမ ဆီကို လှမ်းဆက်သွယ် ဘာတွေပြောစေချင်လည်း မေးမြန်းစုံစမ်းပြီး စကားပြောဖို့ ပြင်ဆင်ရပါတော့တယ်။ ရန်ကုန်က ဆရာမ က ပြောချင်တဲ့ အချက်အလက်တွေနဲ့ ဓါတ်ပုံတွေကို ပါဝါပွိုင့်နဲ့ တင်ပြီး ပို့ပေးလိုက်တယ်။ စာရေးသူက စီကာ စဉ်ကာလုပ် ပြီး ကိုယ်တွေ့ အကြောင်းအရာလေး နည်းနည်း ဖြည့်စွက်လိုက်တော့ ပြောစရာလေးတွေ ရလာပြီ။ ကျေးဇူးတင်စကား ပြောဖို့ ရှိသူတွေက မြန်မာ နိုင်ငံက တစ်ဦး၊ နိုင်ဂျီးရီးယားက တစ်ဦး နဲ့ ပါကစ္စတန်က တစ်ဦးတို့ ဖြစ်တယ်။ မပြောခင် တစ်ရက် အကြိုလေ့ကျင့်တော့ စာရေးသူတစ်ယောက် အကြောက်လွန်ပြီး အသံတောင် တုန်နေတယ် ထင်ပ။ စကားပြောတာလည်း အရမ်းမြန်သွားလို့ နားထောင်နေတဲ့ ဆရာ၊ ဆရာမတွေက သတိပေးနေရတယ်။

ဖေဖေဂိတ် အကြောင်း အင်တာနက်မှာ လေ့လာမိ သလောက်က စစ်မှုထမ်းဟောင်း၊ အငြိမ်းစားရှေ့နေ၊ ဂိတ်ဖောင်ဒေးရှင်းရဲ့ တွဲဖက် ဥက္ကဌ၊ သူကြွယ် မျိုးရိုး တဲ့။ သို့ပေမယ့် သူတို့ မျိုးရိုး က နာမည်တော့ ဆင်းရဲ ရှာတယ်။ ဖေဖေဂိတ်ရော သားသားဂိတ် (လက်ရှိ မိုက်ခရိုဆော့ ဥက္ကဌ) ရော ဘီလ်ဂိတ် ဆိုတဲ့ နာမည် တစ်ခုတည်းပဲရှိတယ်။ ဒါတင်လားဆိုတော့ မဟုတ်သေးဘူး။ ဖေဖေဂိတ်ရဲ့ အဖေ၊ သားသားဂိတ်ရဲ့ အဖိုး နာမည် ကလည်း ဘီလ်ဂိတ်ပါပဲတဲ့။ အဲဒီ ဖိုးဖိုးဂိတ်ရဲ့ အဖေ နာမည်ကလည်း . . . ဘီလ်ဂိတ်ပါပဲတဲ့ ခင်ဗျား။ မျိုးရိုးလေးဆက် နာမည် တစ်ခုပဲ ရှိကြသတဲ့။ စနစ်တကျ ခေါ်မယ်ဆိုရင် ဘီလ်ဂိတ် ၁၊ ၂၊ ၃၊ ၄၊ လို့ ခေါ်လို့ရမယ်။

ဒီလိုနဲ့ ပဲ ပြင်ဆင်စရာတွေ ပြင်ဆင်ပြီးတော့ ဧပြီ ၁၈ ရက်နေ့ကို ရောက်လာပါတော့တယ်။ နံနက် ၁၀ နာရီ အခမ်းအနား စမယ်ဆိုတော့ အားလုံး စုံညီရောက်နေကြပြီ။ ခမ်းမထဲမှာ ထိုးထိုးထောင်ထောင်နဲ့ ပရိတ်သတ် ၀ိုင်းဝိုင်းလည်နေသူကတော့ ဖေဖေဂိတ် ပါပဲ။ ကမ္ဘာပေါ်မှာ အချမ်းသာဆုံး လူတစ်ယောက်ရဲ့ ဖခင်ဆိုတော့ ဘ၀င်များရှိလေမလားဆိုပြီး အကဲခတ်နေတုန်း ဒေါ်အေမီ က မိတ်ဆက်ပေးလို့ လက်ဆွဲ နှုတ်ဆက်ကြည့်တော့ သာမာန် အမေရိကန် အမျိုးသားကြီးတစ်ယောက်လို ဖော်ဖော်ရွေရွေ ရှိပြီး ဟန်ပန် သိပ်မများတာတွေ့ရပါတယ်။

ခဏကြာတော့ အခမ်းအနားစပြီး ပါမောက္ခချုပ်၊ ဌာနမှူးနဲ့ ဒေါ်အေမီတို့ စကားပြောပါတယ်။ အမေရိကန်နိုင်ငံရဲ့ အနောက်ဖက်စွန်းကနေ အရှေ့ဖက်စွန်းကို ခရီးနှင်လာရလို့ ထင်ပ ဖေဖေဂိတ်တစ်ယောက် ငိုက်ငိုက်ကျသွားတာ ကိုတွေ့မိတော့ စာရေးသူပြောမှာတွေကို သူကြားမှကြားပါ့မလားလို့ သံသယ၀င်လာတယ်။ အို ဘာပဲဖြစ်ဖြစ် ပြောတာတော့ ပြောရမှာပဲ။ စာရေးသူနဲ့ တစ်တန်းတည်းသား နိုင်ဂျီးရီးယားသူ အကြံပေးထားတဲ့ အတိုင်း ပုဂ္ဂိုလ်ကြီး နာမည် ကို ကြားညှပ်ခေါ်ပြီး ကျေးဇူးတင်စကားပြောဖို့ ကြံစည်ထားတယ်လေ။ ဒါနဲ့ပဲ ကျေးဇူးတင်စကားပြောဖို့ အစီအစဉ်ရောက်လာပြီး စာရေးသူ အလှည့်ကျ လာပါတယ်။

မြန်မာပညာသင်တွေ ကိုယ်စား ကျေးဇူးစကားပြောရလို့ ၀မ်းသာမိပါတယ် အစချီပြီး သိပ်မကြာခင်မှာပဲ အကဲခတ် ကြည့်လိုက်တော့ ဖေဖေဂိတ် တစ်ယောက် မျက်လုံးတွေ စင်းပြီး ခေါင်းဆတ်စ ပြုနေပါပြီ။ ဒါနဲ့ပဲ လက်နက်ပုန်း ထုတ်သုံးရတော့တယ်။ ပုဂ္ဂိုလ်ကြီးဖက် တည့်တည့် လှည့်ကြည့်ပြီး "မစ္စတာ ဂိတ် ခင်ဗျား" လို့ ဆိုလိုက်တယ် ဆိုရင်ပဲ ဖေဖေဂိတ် တစ်ယောက် ခေါင်းထောင်လာပါတယ်။ နှစ်ခါလောက် အဲလိုလည်း လုပ်ပြီးရော သူ့မျက်လုံးကျယ်လာပြီး စာရေးသူ (တကယ်တော့ မလာဖြစ်တဲ့ ဆရာမ) ရဲ့ ကျေးဇူးတင်စကားကို အဆုံးထိ နားထောင်သွားပါတယ်။ နောက်ဆုံး ဖေဖေဂိတ်ပုံ လုပ်ထားတဲ့ ကျောက်စီပန်းချီကား ရဲ့ ဓါတ်ပုံကို ပြတော့ ဖေဖေဂိတ်တင်မက ကျန်တဲ့ ပရိတ်သတ်ပါ စိတ်ဝင်တစားကြည့်နေကြပါတယ်။ ဒါနဲ့ပဲ စကားပြောပြီးလို့ ပြန်လှည့်လာတော့ ဖေဖေဂိတ်က လက်ကမ်းပြီး နှုတ်ဆက်တာနဲ့ သူ့မျက်နှာကို စေ့စေ့ကြည့်ပြီး ကျေးဇူးတင်ကြောင်း လှိုက်လှိုက်လှဲလှဲ ပြောလိုက် မိပါတော့တယ်။

နံနက်ပိုင်း အခမ်းအနားပြီးတော့ ဂိတ်အင်စတီကျု နဲ့ လက်တွဲလုပ်ကိုင်နေတဲ့ အာဖရိက၊ အာရှ၊ ကာရေဘီယန် နိုင်ငံတွေက တက္ကသိုလ်တွေရဲ့ ကိုယ်စားလှယ်တွေ၊ ဂိတ်ပညာသင်ဆု ရထားသူတွေ နဲ့ နေ့လည်စာ စားရင်း စကားပြောဖို့ပါ။ ဒီသူဌေးကြီး ဘာများစားမလဲလို့ တွေးနေတုန်း စာရေးသူတို့တွေကို ဝေပေးတဲ့ အသားညှပ်ပေါင်မုန့် အထုပ်လေးမျိုး တစ်ထုပ်ကိုကိုင်ပြီး ဖေဖေဂိတ် အစည်းအဝေးခန်းထဲ ၀င်လာပါတယ်။ အနံမကြီး ဂွင်းမကျယ်တဲ့ လူတစ်ယောက်နဲ့ တွေ့ရတာ ၀မ်းသာစရာပါ။ နေ့လည်စာစားရင်း စကားစမည်ပြောကြပါတယ်။ ဘေးကဓါတ်ပုံကတော့ ပါကစ္စတန် ပါလီမန်အမတ် အမျိုးသမီးနဲ့ ဖေဖေဂိတ် စကားပြောနေတုန်း စာရေးသူကိုယ်တိုင် ရိုက်ထားတာပါ။ ဖေဖေဂိတ်နဲ့ နှစ်ယောက်တွဲ မရိုက်လိုက်ရတော့ စာရေးသူ နှင့် ဖေဖေဂိတ်တို့ လက်ဆွဲ နှုတ်ဆက်နေကြစဉ် လို့ စာတမ်းထိုးဖို့ ဓါတ်ပုံ မရလိုက်ဖူးဗျ။

နေ့လည်စာ ပြီးတော့ ခဏလမ်းခွဲကြပါတယ်။ လေ့လာရေးသွားသူ၊ နှစ်ဦးချင်း အစည်းအဝေးထိုင်သူ စသည်ဖြင့်ပေါ့။ ဖေဖေဂိတ်တစ်ယောက်တော့ ဘယ်ရောက်သွားတယ် မသိဘူး။
ညစာစားပွဲက ၆ နာရီခွဲမှ စမှာဆိုတော့ စာရေးသူကတော့ ရုံးခန်းကို ပြန်လာပြီး လုပ်စရာရှိတာလေးတွေ လုပ်နေလိုက်တယ်။

ညစာစားပွဲက ကျောင်း ကင်တင်းမှာပဲ လုပ်ပါတယ်။ ဂိတ်အင်စတီကျုရဲ့ ပထမဆုံး ညွှန်ကြားရေးမှူး ဒေါ်လော်ရီဇေဘင် က လွန်ခဲ့တဲ့ ၁၀ နှစ်က ဖေဖေဂိတ်နဲ့ ပထမဆုံး တွေ့ဆုံခဲ့တဲ့ အကြောင်း ပြောပြပါတယ်။ အဲဒီအချိန် ၁၉၉၈ တုန်းက ဂိတ်ဖောင်ဒေးရှင်း တောင်ပီပီပြင်ပြင် မဖြစ်သေးပါဘူး။ သားသားဂိတ်ရဲ့ အလှူငွေတွေကို ဖေဖေဂိတ်က တာဝန်ယူစီမံပေးနေတဲ့ အချိန်ပေါ့။ အဲဒီတုန်းက ဂိတ်မိသားစုရဲ့ သဘောထားက တက္ကသိုလ်တွေကို ငွေမလှူချင်ဘူး။ တကယ် လူထုထဲကို တိုက်ရိုက်ရောက်မယ့် ကိစ္စတွေမှာ ပိုပြီးလှူချင်တယ်။ ဒါပေမယ့် ဒေါ်လော်ရီ ရဲ့ ဖိတ်ကြားချက်ကို လက်ခံပြီး ဖေဖေဂိတ် ဂျွန်(စ်)ဟော့(ပ်)ကင်း တက္ကသိုလ်ရဲ့ ပြည်သူ့ကျန်းမာရေး သင်တန်းကျောင်းကို ရောက်လာပါတယ် တဲ့။ အဲဒီအချိန်မှာ ပညာသင်ကြားနေတဲ့ တတိယ ကမ္ဘာနိုင်ငံတွေက ကျောင်းသား တစ်သိုက်နဲ့ ဖေဖေဂိတ် စကားပြော အပြီး မှာတော့ ဒီလို ဖွံ့ဖြိုးဆဲ နိုင်ငံတွေက ကျောင်းသားတွေကို ပညာသင်စရိတ် ထောက်ပံ့ဖို့ ဖေဖေဂိတ် ဆုံးဖြတ်လိုက်ပါတော့တယ် တဲ့။ အဲဒီကျောင်းသားတွေ တော်တော် အပြောကောင်းတယ်လို့ ဆိုရမယ်။ ဒီလိုနဲ့ပဲ အနှစ် နှစ်ဆယ် ထောက်ပံ့ငွေနဲ့ ဂိတ်အင်စတီကျု စတင်ဖြစ်ပေါ်လာပါတယ်။ အဲဒီနေ့ပွဲကတော့ ၁၀ နှစ်မြောက် နှစ်ပတ်လည်ပွဲ ဖြစ်ပါတယ်။

မိတ်ဆက်စကားတွေပြီးလို့ ဖေဖေဂိတ် စကားပြောမယ့် အလှည့်လည်း ရောက်ရော ပရိတ်သတ်ကြီးလည်း စိတ်ဝင်တစား ငံ့လင့်နေကြပါတယ်။ ဖေဖေဂိတ် စပြောတဲ့ စကားကတော့ "a great last name" တဲ့။ ဂိတ်ဆိုတဲ့ မိသားစုနာမည်နဲ့ သူ့ထက်ပို နာမည်ကြီးတဲ့ သားကို ရည်ညွန်းပြီး ဟာသလုပ်လိုက်တာပါ။ အားလုံးပွဲကျကုန်ကြတာပေါ့။ နောက်ပြီးဆက်ပြောတာတွေထဲမှာ စာရေးသူမှတ်မိတာကတော့ သူ့ကို အားလုံးက ၀ိုင်းပြီးကျေးဇူးတင်နေလို့ မနေတတ်တဲ့အကြောင်း၊ တကယ်တော့ သူ့သားရဲ့ အလှူငွေတွေ ဖြစ်တဲ့အတွက် သူ့သားနဲ့ ချွေးမ ကို သာ ကျေးဇူးတင်သင့်ကြောင်းတို့ ဖြစ်ပါတယ်။

အားလုံး ခြုံကြည့်ရရင်တော့ မုဒုံစောင်က အကောင်းဆုံးပါပဲ။ အဲလေ။ ခြုံငုံ ပြောရရင် နှစ်စဉ် နှစ်စဉ် ဒေါ်လာငွေ သန်းနဲ့ ချီပြီး လှူနေတဲ့ အလှူရှင် တစ်ဦးနဲ့ တွေ့ရတာ၊ သူ့အလှူတွေကို သာဓုခေါ်ရတာ၊ မုဒိတာပွားရတာ အင်မတန် ကောင်းတာပဲ။ ပညာရေးမှာ မြုပ်နှံတယ်ဆိုတာ နှစ်ရှည်ရင်းနှီးရတာမျိုးမို့ တော်ရုံလူ မပြောနဲ့ အစိုးရတွေတောင် မလုပ်နိုင်ကြဖူး။ စာရေးသူတို့ ရွှေနိုင်ငံ က သူဌေး သူကြွယ်ကြီးတွေ ဒီလိုမျိုး ပညာရေးကဏ္ဍမှာ များများလှူဒါန်း နိုင်ကြပါစေ လို့ ဆုတောင်းလိုက်ပါတယ်။




Read More...

Sunday, April 8, 2007

Resisting Fear

၈၊ ၄၊ ၂၀၀၇


အကြောက် တရားများ အောက်မှ ခေါင်းပြူကြည့်ခြင်း


လူပဲ ကြောက်တတ်တာပေါ့။ ဗမာပဲ ပိုကြောက်တတ်တာပေါ့။ ငယ်ငယ်ကတည်းက ဒါမလုပ်နဲ့၊ ဟိုဟာမကိုင်နဲ့၊ ဒီလိုမပြောရဘူး၊ ဟိုလိုမ၀တ်ရဘူး အစရှိသဖြင့် ဟန့်တားသံပေါင်း သောင်းခြောက်ထောင် ကြားမှာ ကြီးပြင်းလာခဲ့ ရတော့ ကြောက်တယ်ဆိုတာ အထူးအဆန်း မဟုတ်တော့ပါ။ နောင်တော်ကြီး (Big brother) က စောင့်ကြည့်နေတယ်လို့ ခံစားရတာကို လည်း နေ့တဓူဝ သာမာန်လို့ပဲ ခံစားမိနေပါတယ်။

ဒါပေမယ့် မျက်စိဖွင့်ပြီး ကြောက်နိုင်ဖို့ ကျွန်တော် ကျိုးစားနေတယ်။

ကျိုးစားမိတာလေးတွေ နည်းနည်း မျှချင်တယ်။ အနောက်နိုင်ငံတွေမှာ ကြီးပြင်း ပညာသင်ကြားနေတဲ့ သူတွေ အနေနဲ့တော့ အဆန်းမဟုတ်လောက်ပါ။ ဒါပေမယ့် ကျွန်တော့်လို ရွာမှာ ကြီးပြင်း၊ ပညာသင်၊ အလုပ်လုပ်ပြီး ခေါက်ရိုး ကျိုးနေသူတွေ ကတော့ ခံစားနားလည်ကြည့်လို့ ရမယ်ထင်တယ်။

ပထမဆုံး အတွေ့ အကြုံကတော့ ပြည်တွင်းထုတ် သတင်းဂျာနယ်တစ်စောင်က အင်တာဗျူးတာ။ ကိုယ့်ရှေ့ကို အသံဖမ်းစက်တိုးပြီး မေးခွန်းတွေ မေးခံရတုန်းက အသံကို မနည်းထိမ်းပြီး ပြန်ဖြေခဲ့ရတယ်။ နောက်တစ်ခါ ပြည်ပအသံလွှင့်ဌာန တစ်ခုက ကျန်းမာရေး ကိစ္စမေးတော့ တယ်လီဖုန်းနဲ့ ဗျူးရပြန်ရော။ တစ်ချို့ မိတ်ဆွေတွေကတော့ အသံလွှင့်ဌာနတွေနဲ့ မဆက်ဆံနဲ့၊ ဘာဖြစ်မယ်၊ ညာဖြစ်မယ် စသည်ဖြင့် စိတ်ပူပြီး တားကြသေးတယ်။ ဒါပေမယ့် ကျွန်တော်ကလည်း ကိုယ့်အကြောင်းနဲ့ကိုယ်လေ။ ဘာမှန်းမသိတာကြီးကို တွေးကြောက်မနေချင်ဘူး။ တစ်ဆက်တည်းပဲ ဘလောက်စပြီး ရေးလာတယ်။ သာမာန်ပြည်သူ တစ်ယောက်အနေနဲ့ ကိုယ့်အမြင်အယူအဆ တွေကို လွတ်လွတ်လပ်လပ် ပြောရတဲ့ အရသာဟာ ဘာနဲ့မှ မတူပါ။ လောလောဆယ်ကို ဗီအိုအေ မြန်မာပိုင်းအစီအစဉ် က အိပ်ခ်ျအိုင်ဗီ နဲ့ လိင်အင်္ဂါအရေပြားဖြတ်ခြင်း အကြောင်း ဗျူးချင်တယ်ဆိုတော့ လက်ခံလိုက်တယ်။ နားထောင်ချင်ရင်တော့ ဒီကို နှိပ်ပါ။

Read More...

WHO and UNAIDS recommend Male Circumcision

From VOA Burmese Program http://www.voanews.com/burmese/2007-04-05-voa4.cfm

Health Experts Recommend Male Circumcision for HIV Prevention


05 April 2007

Thar Nyunt Oo's Report in Burmese (Realplayer) - download 1.04M audio clip
Listen to Thar Nyunt Oo's Report in Burmese (Realplayer) audio clip

Kim Dickson, left, next to WHO's Jos Perriens, right, answers journalist's question about WHO and UNAIDS recommendations, 28 Mar 2007
Kim Dickson, left, next to WHO's Jos Perriens, right, answers journalist's question about WHO and UNAIDS recommendations, 28 Mar 2007
For the first time, the World Health Organization and UNAIDS are recommending that male circumcision be used as part of a comprehensive package of prevention of HIV, the virus that causes AIDS. Both agencies say strong evidence from trials in Kenya, Uganda and South Africa provide compelling evidence that male circumcision reduces the risk of heterosexually acquired HIV infection in men by about 60 %.

Dr. Ye Mon Myint, DrPH student of Dept. of Population, Family & Reproductive Health, Johns Hopkins University, discussed about how the male circumcision can prevent the HIV infection and whether it would be useful for Burmese society or not.

Read More...

Friday, April 6, 2007

Brownie Breakfast

၆၊ ၄၊ ၂၀၀၇


နံက်စာ


ဒီပုဂ္ဂိုလ် တစ်ယောက် ဘောလ်တီမိုးမှာ မနက်မနက် ဆို ဘာတွေများ စားနေလဲမသိဘူး လို့တွေးမိမလား။ ဒါက အခြေအနေအရပါပဲ။ မနက်စောစော အတန်းရှိတဲ့ ကာလတွေတုန်းကတော့ တပ်ပျက်နေတာပေါ့။ အခုတော့ ကိုယ်ပိုင် အချိန်နဲနဲ ရပါတယ်လေ။ ဒီနေ့ မနက်တော့ ဖျော်ကျန် (မနေ့က ဖျော်ထားပြီး ကျန်နေသော) ကော်ဖီကို နှပ်အိုးထဲကနေ မတ်ခွက်ထဲကို အသာငှဲ့လို့ ဓါတ်လှိုင်းမီးဖို ထဲ ထည့် အားအပြင်းဆုံးမှာ ထားပြီး ၁ မိနစ် တိတိမွှေ့လိုက်တယ်။ ကိုင်း . . . လာလေရော့ . . . ဓါတ်ကော်ဖီ ပူပူလေး။ ပြီးတော့ ဟိုနေ့က ၀ယ်ထားတဲ့ ခရင် (ဒီမှာတော့ half and half လို့ခေါ်တယ်၊ ဘာလို့ one လို့ မခေါ်လဲ လာမမေးနဲ့ မသိဘူး။ သူတို့ ဂဏန်းသင်္ချာ သိပ်မကျွမ်းလို့ဖြစ်နိုင်တယ်) သင့်ရုံ ထည့်ပြီး ဇွန်းနဲ့မွှေ။ ပြီးရင် ဇွန်းကို ကမန်းကတန်း ရေသွားဆေးပြီး ပုဂံစင်မှာ ထားလိုက်။ အဲလိုမလုပ်ရင် ဆပ်ပြာနဲ့ ဆေးနေရတော့မယ်။ ရေကအေးအေးနဲ့ ဆပ်ပြာ ခဏခဏ ကိုင်နေရရင် တယ်မဟန်ဘူး။ သကြားလား . . မထည့်ဖူး။ ခရင်မရှိရင် နွားနို့ ထည့်သောက်တယ်။ နွားနို့မရှိရင် နို့ဆီ နဲနဲထည့်တယ်။ ဒီနေ့များ ကံကောင်းချင်တော့ တစ်အိမ်ထဲနေမိတ်ဆွေ (ဒါကတော့ ဘီဘီစီ မြန်မာပိုင်း အစီအစဉ်က ဒေါ်သရဖီရဲ့ လေသံမျိုးပေါ့) ကိုယ်တိုင် လုပ်ထားတဲ့ ဟုမ်းမိတ် ဘရောင်နီ (တကယ်ကတော့ ဘလက်ကီ) မည်သော ချောကလက် ကိတ်မုန့်ကို တစ်စိတ်ဖဲ့လာပြီး ကွန်ပြူတာရှေ့ ရောက်လာပါတော့တယ်။

ခက်ဆစ်။

ဘောလ်တီးမိုး = baltimore အမေရိကန် နိုင်ငံ အရှေ့ခြမ်း ရှိ ဆိပ်ကမ်းမြို့ တစ်မြို့
တပ်ပျက် = ရှုပ်ယှက်ခပ်နေခြင်း (ဘန်းစကား)
ကော်ဖီ = coffee
half and half = နွားနို့တစ်ဝက် မလိုင်တစ်ဝက် ရောထားသော ကော်ဖီ၊ လ္ဘက်ရည် စသည်တို့တွင် ထည့်သောက်သည့် အရည်တစ်မျိုး
ဘရောင်နီ = brownie ကို အသံ ဖလှယ်ထားခြင်း (ချောကလက် ကိတ်)
ချောကလက် = chocolate ကို အသံဖလှယ်ထားခြင်း (ကိုကာသီးမှ ပြုလုပ်သော မည်းနက်ပြီး
အလွန်အင်မတန် ခါးသည့်အမှုန့်)
ကိုကာသီး = cacao ကို အသံဖလှယ်ထားခြင်း
ကိတ် = cake ကို အသံ ဖလှယ်ထားခြင်း
ဘလက်ကီ = ကျွန်ုပ်၏ အိမ်မှ လွန်စွာ ဟောင်သော
ခြေလေးချောင်း သတ္တ၀ါ အမည်
မတ်ခွက် = mug ကို အသံဖလှယ်ထားခြင်း
ဓါတ်လှိုင်းမီးဖို =
microwave oven
ဟုမ်းမိတ် = home-made ကို အသံ ဖလှယ်ထားခြင်း
အသံ ဖလှယ်ထားခြင်း = လူမျိုးခြား ဘာသာစကား ကို အသံထွက် အတိုင်းရေးခြင်း

မှတ်ချက်။
ခက်ဆစ် စာရင်းပြုစု ရင်းနဲ့မှ တစ်ခု သတိထားမိသွားတယ်။ ဗမာစာ သည် ဒို့စာ၊ အသံဖလှယ်တာ ဒို့စာ

Read More...

Monday, April 2, 2007

Grocery Shopping

၂၊ ၄၊ ၂၀၀၇


ဈေးစာရင်း

(ဈေးစာရင်း ရေးနည်းလေး မေ့သွားမှာ စိုးလို့ လေ့ကျင့်ကြည့်တာ)


စဉ်

အမျိုးအမည်

ကျသင့်ငွေ (ဒေါ်လာ)

၁။

ပေါင်မုန့် တစ်လုံး

.၉၉

၂။

ကြက်ဥ - ၁ ဒါဇင်ခွဲ

.၆၉

၃။

ကော်ဖီ နှင့် သောက်ရန် ခရင် (half & half)

.၃၉

၎။

နွားနို့ - တစ်ပုလင်း

.၁၉

၅။

ပဲနို့ ပုလင်းကြီး - တစ်ပုလင်း

.၉၉

၆။

အသင့်စား ညစာဗူး (ကြီး) တစ်ဗူး

.၇၉

၇။

အသင့်စား ညစာဗူး (သေး) နှစ်ဗူး

.၂၈

၈။

ငါးသေတ္တာ ၃ ဗူး

.၀၀

၉။

ပဲဆီ တစ်ပုလင်း

.၁၉

၁၀။

အမဲသား စဉ်းကော (အဆီ ၈%)

.၆၀

၁၁။

အသားညှပ် ဘီစကစ် ၆ ခုပါ တစ်ထုပ်

.၉၉

၁၂။

စားအုံးဆီ (တစ်ဂါလံ)

.၉၉

၁၃။

ကြက်ရင်ပုံသား (အရိုးထုတ်ပြီး) လေးစိတ်

.၀၈

၁၄။

ဟင်းရွက်စုံ တစ်ထုတ်

.၉၉

၁၅။

နာနတ်သီး တစ်စိတ် (အခွံသင်ပြီး)

.၉၉

၁၆။

ဆန် တစ်အိတ် (၂၅ ပေါင်)

၁၃.၀၀

၁၇။

ဂျင်း - ၃ တက်

.၂၈

၁၈။

အမဲသားလုံး တစ်ထုပ်

.၅၀

၁၉။

အမဲသား

၂.၅၃


စုစုပေါင်း

၇၀.၉၆

Read More...

Favorite Quotes 1

၂၊ ၄၊ ၂၀၀၇


မှတ်သားမိသော ပညာရှိ စကားများ (၁)


ဆုံးဖြတ်ရဲသူ ကို ဇွတ်တရွတ်ဆန်တယ်၊ ချင့်ချိန်တတ်သူ ကို သူရဲဘောကြောင်တယ်၊ ရက်ရောသူ ကို လက်ဖွာတယ်၊ စည်းကမ်းနဲ့ပေးသူ ကို ကပ်စေးနဲတယ်၊ ဦးဆောင်နိုင်သူ ကို နေရာယူတယ်၊ ကျွမ်းကျင်သူ ကို လည်လွန်းတယ်လို့ အထင်မလွဲပါနဲ့။ ပြဿနာဆိုတာ လောကရဲ့ ဂုဏ်ပုဒ် တစ်ခုပါ။

ဓမ္မဒူတ အရှင်ဆေကိန္ဒ

Read More...