Words in Public Health

၂၀၊ ၉၊ ၂၀၀၇

စကားလုံးရှိတဲ့ ကောင်းကင်

ထူးအိမ်သင်ကတော့ စကားလုံးများနဲ့ မပြောပဲ မျက်ဝန်းများနဲ့ ပြောခိုင်းခဲ့သည်။

သို့ရာတွင် ပြည်သူ့ကျန်းမာရေး ကိစ္စရပ်များ၌ကား စကားလုံးများကို မသုံးမဖြစ် တွင်တွင်ကျယ်ကျယ် သုံးရလေ့ရှိသည်။ လူတစ်ဦး နှင့် တစ်ဦး သို့တည်းမဟုတ် လူတစ်ဦး နှင့် အများ အပြန်အလှန် ဆက်သွယ်မှု (communication) ကို ဘာသာရပ် တစ်ခုအနေဖြင့်ပင် သင်ယူရလေသည်။ စာရှုသူ စဉ်းစားကြည့်ပါ .. အကယ်၍များ ကျန်းမာရေး ပညာပေးရာတွင် “မျက်ဝန်းများ” နဲ့သာ ပြောရလျင် ဘယ်သို့ ရှိချိန့်မည်နည်း။ ဆိုသူတစ်မျိုး နားလည်သူ တစ်ဖုံ ဖြစ်နေမည်။

မှတ်မိသေးတော့သည်။ ဆေးကျောင်းတွင် “ကာကွယ်ရေးနှင့်လူမှုရေးဆေးပညာ” (ပြည်သူ့ကျန်းမာရေး) ဘာသာရပ်ကို သင်ယူရလေသည်။ ဘိုလို ဆိုလျှင်တော့ "Preventive and Social Medicine" ဟု ခေါ်၏။ အတိုကောက် PSM ပေါ့။ ထို PSM ကိုပင် ကျွန်ုပ်တို့ ကျောင်းသားတစ်သိုက်က နာမည်ပြောင် ပေးထားသည် "potato and shwe-kyee medicine" ဟူ၏။ အာလူးဖုတ်နေသည်၊ ရွှေကျီးကဲ့သို့ တစာစာ အော်မြည်နေရသည့် ဘာသာရပ်ဟု ဆိုလိုသည်။ (ထိုအသက်အရွယ်က အမြင်ဖြင့် ပြောရလျင်) ပြောလည်း ပြောစရာပင်။ အယူအဆ၊ အတွေးအခေါ် တစ်ခု (an idea or concept) ကို ပင် စကားလုံးအမျိုးမျိုး သုံး၍ ဆွေးနွေးပြောဆိုခြင်းများ ရှိခဲ့သည်မဟုတ်လော။ ဆရာအများက ကျွန်ုပ်တို့ နားလည်စေရန် သိုင်းဝိုင်း ပြောသည်ကို ကျေးဇူးမတင်တတ်ခဲ့။ နောက်ပြောင်ရန်သာ သိခဲ့ကြသည်။

ပြည်သူ့ကျန်းမာရေး ဘာသာရပ်ကို ထဲထဲဝင်ဝင် လေ့လာမိစဉ်မှာတော့ “အာလူးဖုတ်သည်” ဟု မပြောလိုတော့။ ပြောတတ်လျှင် စကားလုံး တိုတိုတုတ်တုတ် ဖြင့် ကျစ်ကျစ်လစ်လစ် ပြောဆိုရနိုင်သည် ဆိုတာ သိလာသည်။ ထိုသို့ပြောဆိုနိုင်ရန် အသုံးများသော ပြည်သူ့ကျန်းမာရေးဆိုင်ရာ စကားလုံးများ၊ အယူအဆ၊ အတွေးအခေါ်များ ကို မြန်မာလို အဓိပ္ပါယ်ဖွင့်ဆိုရန် စိတ်ကူးမိသည်။ မိမိ နားလည်သလို ဝေမျှခြင်းသာဖြစ်၍ မိတ်ဆွေတို့ ဝေဖန် အကြံပြုကြပါကုန်။

ဒီတစ်ပတ်တော့ စကားလုံး ၃-လုံး ဖြင့် စပါမည်။ အေ သုံးလုံး ပဲ ဆိုပါစို့ရဲ့။ “ကျန်းမာရေးစောင့်ရှောက်မှု” ကို စိတ်တွင် မှတ်ပြီး ဖြည့်စွက်တွေးကြည့်ပါ။

Availability

ရှိခြင်းအဖြာဖြာ ဟု ဘာသာပြန်ရမည်လား မပြောတတ်။ ဆေးရုံ၊ ဆေးခန်း အဆောက်အဦရှိခြင်း၊ ရောဂါစစ်ဆေးနိုင်သည့် စက်ကိရိယာများ ရှိခြင်း၊ ဆေးဝါးပြည့်စုံခြင်း၊ ကုသပေးမည့် ဆရာဝန်၊ သူနာပြုများ ရှိခြင်းတို့ပင်ဖြစ်သည်။ အောက်ပါအခြေအနေများတွင် ကျန်းမာရေး စောင့်ရှောက်မှု ရနေသည်ဟု မပြောနိုင်။

• ဆေးရုံရှိသော်လည်း ဆရာဝန် မမြဲခြင်း
• ဆရာဝန်ရှိသော်ငြား ကုသရန် ဆေးမရှိခြင်း
• ဓါတ်မှန်ရိုက်စက် ရှိပြီး ဖလင်ကုန်နေခြင်း (သို့) မီးမလာ၊ မီးအားမပြည့်ခြင်း

ထို့ကြောင့် နိုင်ငံတစ်နိုင်ငံတွင် ဆေးရုံဆေးခန်း မည်မျှ ရှိသည်ဟု ရေတွက်ပြရုံမျှဖြင့် ထိုနိုင်ငံတွင် ကျန်းမာရေး စောင့်ရှောက်မှု ရရှိနေသည်ဟု ပုံသေကားချ ပြော၍မရနိုင်ပေ။ တကယ်တန်း ၀န်ထမ်းအင်အား၊ ပစ္စည်းအင်အားပြည့်ဖြင့် လည်ပတ်နေသော ဌာနများ ဖြစ်ဖို့လိုသည်။ ရွှေကျောင်းပြောင်ပြောင် ၀မ်းခေါင်ခေါင် ဖြစ်မနေသင့်။

Accessibility

လွယ်လင့်တကူ ရရှိနိုင်ခြင်း ဟု ပြန်ဆိုလိုသည်။ ဤသည်ကိုတော့ Barriers of Access to Health Care တွင် အကျယ် ပြောပြီးပါပြီ။ ထိုအတားအဆီးများ မရှိလျင် လွယ်လင့်တကူ ရရှိနိုင်သည်၊ Accessible ဖြစ်သည်ပေါ့။ အောက်ပါမေးခွန်းများကို ဖြေကြည့်ပါ။

• သွားရေးလာရေး လွယ်ပါသလား
• လူတွေ သွားလာချင်စိတ်ရှိတဲ့ ဆေးရုံလား
• အချိန်မရွေး သွားလို့ရသလား
• ဗမာလို မပြောတတ်လျင်ရော ကုပေးနိုင်လား
• ငွေမပါလည်း ကုပေးမှာလား
  

မေးခွန်းများ၏ အဖြေမှာ “ဟုတ်ကဲ့” ဟု ဆိုပါက အဆိုပါ ကျန်းမာရေးဌာန (၀ါ) ဆေးခန်းသည် accessible ဖြစ်သည်ဟု ဆိုရပေမည်။

စကားချပ်။

နယ်မြို့လေးတစ်မြို့၏ ဆေးရုံသည် အတန်မြင့်သော တောင်ကုန်းလေး တစ်ခုပေါ်တွင် ရှိသည်။ “လူနာသာ ဒီကို ရောက်ပါစေ ရောဂါပျောက်အောင် ကုနိုင်တယ်ဟု” ဆရာဝန်၊ သူနာပြုများက ဆိုစမှတ်ပြုကြသည်။ ပြောလည်းပြောစရာပင် တော်ရုံတန်ရုံ လူနာကတော့ ဒီတောင်ကုန်းကို တက်နိုင်မယ် မထင်။ တက်နိုင်သည့် လူနာဆိုလည်း ရောဂါ သိပ်မဆိုးလို့ပင်။ သေချာတာကတော့ လူနာများ လွယ်လွယ်ကူကူသွားလာ ရနိုင်သည့် နေရာမှာ မရှိသော ဆေးရုံပင်။

Affordability

ဒါကတော့ Financial barrier ၏ သံတူကြောင်းကွဲတစ်မျိုးပင်။ “တတ်နိုင်ပါ့မလား” ဆိုသည့်မေးခွန်းကို လူတိုင်းမေးဖူးကြပေမည်။ ရောဂါတစ်ခုပျောက်ဖို့၊ အသက်တစ်ချောင်းကို ဆွဲဆန့်ဖို့ ငွေကုန်ကြေးကျ ခံကြရသည်။ မည်မျှ အကုန်ခံမည်နည်း။ သင်သည် လူ့လောကတွင် နေရန် ၁-ရက်သာ ကျန်တော့သည် ဆိုပါစို့။ နောက်ထပ် ၁-နှစ် နေခွင့်ရအောင် ငွေမည်မျှ အကုန်ခံ ကုသမည်နည်း။ “ငွေဘယ်လောက်ကုန်ကုန်” ဟု လွှတ်ကနဲ ပြောချင်ပြောပေမည်။ အသေအချာ စဉ်းစားပါ။ တစ်သိန်း အကုန်ခံမှာလား၊ ၁၀ သိန်းလား၊ သိန်း တစ်ထောင်လား။ မိမိ မရှိတော့လျင် ကျန်ရစ်သူများ မည်သို့ ရင်းနှီးစားသောက်မည်နည်း။ စသည် စသည် တွေးစရာတွေ အများကြီးပင်။ ထို့ကြောင့် “ပေးကားပေး၏မရ” ဆိုသလို ကျန်းမာရေး စောင့်ရှောက်မှုသည်လည်း “ရှိကားရှိ၏မတတ်နိုင်” ဆိုသည်များ အများအပြားရှိပေသည်။ ထို့ကြောင့် Available, Accessible ဖြစ်ရုံဖြင့် မပြီး Affordable ဖြစ်ဖို့လည်း လိုပေသေးသည်။

လက်တွေ့အသုံးချခြင်း

ဒါဆိုရင် ကျန်းမာရေး ဌာနများ နှင့် ပြည်သူ့ကျန်းမာရေး စီမံချက်များ ကို သွားရောက်လေ့လာလျင် မေးစရာလေးတွေ၊ တွေးစရာလေးတွေ ရလာပြီပေါ့။ ဥပမာ အားဖြင့်

• ဆရာတို့ ဆေးခန်းက ရုံးချိန်ပဲ ဖွင့်ပြီး လူနာတွေ အားတဲ့ ညနေခင်းမှာ ပိတ်ထားတော့ Accessible ဖြစ်ပါ့မလားဗျာ။
• လူနာတွေကို စရိတ်မျှပေးခိုင်းတာတော့ ကောင်းပါတယ်။ Affordability လေးကိုလည်း ထည့်စဉ်းစားပေးပါဦး။
• ကွန်ပျူတာဓါတ်မှန် (CT-Scan: Computed Tomography) ကတော့ ဆရာရေ ဒီမြို့မှာ Available ကို မဖြစ်တာ။

စသည်ဖြင့်ပေါ့။

ဒီတပတ်တော့ ဤမျှသာ။

အာရောဂျံပရမံလာဘံ

တက္ကသိုလ် လှမွန်