Thanksgiving

၂၆၊ ၁၁၊ ၂၀၀၈

အသံဖလှယ်ရရင်တော့ “သင့်ခ်စ်ဂစ်ဗင်း”၊ ဘာသာပြန်ရရင်တော့ “ကျေးဇူးတော် ချီးမွမ်းပွဲ” ဖြစ်မလားပဲ။ ကိုယ့်မိဘက ကိုယ့်ကို ကော်ဖီ ဖျော်ပေးရင် ဖြစ်ဖြစ်၊ ထမင်းပန်းကန်လေး ချပေးရင် ဖြစ်ဖြစ် “ကျေးဇူးတင်ပါတယ် မေမေ”၊ “ကျေးဇူးတင်ပါတယ် ဖေဖေ” စသဖြင့် ပြောလေ့ ရှိတတ်တဲ့ လူမျိုးက မျက်စိတဆုံး ကျယ်ပြောပြီး အလားအလာကောင်းတဲ့မြေမှာ အခြေချခွင့်ရတဲ့ အတွက် ဘုရားသခင်ကို ကျေးဇူးတင်တဲ့ အနေနဲ့ ပြုလုပ်တဲ့ပွဲပါတဲ့။ နိုဝင်ဘာလရဲ့ စတုတ္ထ ကြာသပတေး နေ့မှာ ပြုလုပ်လေ့ ရှိပါတယ်။

အရင်တုန်းကတော့ ဘာသာရေး သီးသန့်ပွဲဖြစ်ပေမယ့် နောက်ပိုင်းမှာတော့ လူမှုရေး နဲ့ မိသားစုလိုက် ဆင်နွှဲတဲ့ ပွဲဖြစ်လာပါတယ်။ အမေရိကားမှာ ရှိတဲ့ ပွဲတွေထဲမှာ အတော့်ကို ကြီးကျယ်ပြီး အိမ်တိုင်း မိသားစုတိုင်းလိုလို ကျင်းပကြပါတယ်။ အဝေးရောက်နေသူတွေလည်း မဖြစ်မနေအိမ်ပြန်လာကြပါတယ်။ လေဆိပ်တွေမှာ ခရီးသည်တွေက ဒင်းကြမ်းပေါ့။ သမ္မတ ကတောင် ခရီးသည်တင် လေယာဉ်တွေကို သူ့ခေါင်းပေါ်ကနေ ဖြတ်ပျံခွင့် ပေးရသတဲ့။ ခရစ်စမတ်တောင် ဒီလောက် ကျယ်ကျယ်ပြန့်ပြန့် လုပ်တာ မတွေ့ရပါ။

စာရေးသူ ဒီကိုလာခါနီးတုန်းက ကျောင်းကနေ စာတစ်စောင်ပို့ပါတယ်။ “သင့်ခ်စ်ဂစ်ဗင်း” ကို ဘယ်မှာ ကျင်းပမှာပါလဲတဲ့။ သွားစရာ အိမ်မရှိရင် သူတို့ စီစဉ်ပေးမလို့ပါ။ အဲဒီတုန်းကတော့ ဒါကြီးဟာ ဘာကြီးလဲပေါ့။ နောက်ပိုင်းနှစ်တွေကျမှ သူတို့တတွေ ဘာကြောင့် တရေးတယူ လုပ်နေကြလဲဆိုတာ ရေးတေးတေး သဘောပေါက်လာပါတယ်။

ဒီပွဲရဲ့ ထူးခြားချက်ကတော့ ကြက်ဆင်သားကို အဓိကထားစားကြတာပါပဲ။ ထမင်းစား စားပွဲမှာ ကြက်ဆင်သားကင်ကို အလည်ကထားလို့ ပေါင်မုန့်၊ အာလူး စတာတွေကို ခမ်းခမ်းနားနား ပြင်ပြီးတော့ ...

ပြီးတော့ ...

စားကြတာပေါ့ဗျာ။ ဒါပါပဲ။

ဒီတစ်ရက်ထဲမှာ စားလိုက်ကြတာ ကြက်ဆင် အကောင်ရေ ၄၅ သန်း လောက် ကုန်ပါသတဲ့။ တစ်ဖက်ကလည်း ကြက်ဆင်တွေကို သနား ညှာတာသော အားဖြင့် ဘေးမဲ့ လွှတ်ကြသေးသတဲ့။ စားတာကိုတော့ မရပ်ဘူးနော်။ ပြီးခဲ့တဲ့ အပတ်က သတင်းစာထဲ ဖတ်ရတာ အိုဘားမား နဲ့ ပေလင်းတို့တောင် ကြက်ဆင် ဘေးမဲ့လွှတ်ကြတယ်တဲ့။ မစားပဲတော့ နေကြမယ် မထင်။

နောက်ထပ် စိတ်ဝင်စားစရာ တစ်ခုကတော့ လူသုံးကုန်ပစ္စည်းတွေကို ဈေးလျှော့ ရောင်းပေးတာပါပဲ။ ပွဲတော်ပြီး နောက်တစ်နေ့ဖြစ်တဲ့ Black Friday သောကြာနေ့မှာ စတိုးဆိုင်ကြီးတွေက မနက် ၅ နာရီလောက်က စဖွင့်ပြီးရောင်းပေးပါတယ်။ ၀ါသနာရှင်တွေကတော့ ဆိုင်ရှေ့မှာ တဲထိုးပြီး ညလုံးပေါက် တန်းစီကြသတဲ့။ တနည်းလည်း ပျော်စရာ ကောင်းတာပေါ့လေ။ ဒီနှစ် စီးပွားရေး အခြေအနေနဲ့တော့ ဘယ်လို ရှိမယ် မသိပါ။

စာရေးသူကတော့ ဈေးဝယ်ဖို့ စိတ်မ၀င်စား ... ကြက်ဆင်စားပြီးသာ ငိုက်မြည်းပါတော့မယ်။

စာရှုသူတို့ရော ... စားကြမှာလား၊ ဘေးမဲ့ လွှတ်မှာလား၊ ၀ယ်ကြမှာလား အားလုံး လုပ်မှာလား။ ဘာမှ မဆိုင်သလို နေမှာလား။

Source:

http://en.wikipedia.org/wiki/Thanksgiving_(United_States)