Sunday, November 1, 2009

my upgrade from vista to 7

၂၊ ၁၁၊ ၂၀၀၉

ရှုမျှော်ခင်း မှသည် ခွန်နစ် သို့

ကံဆိုးချင်တော့ ပေါင်တင် ကွန်ပျူတာကပျက်တယ်။ ကံကောင်းချင်တော့ လုံးဝကြီးပျက်မသွားပဲ ဖိုင်တွေအားလုံးကို ပြန်ယူလို့ရတယ်။ ကံဆိုးချင်တော့ လိုချင်တဲ့ ပေါင်တင် ကွန်ပျူတာအသစ်က ဈေးကြီးနေပြီး ကိုယ်က ဘိုင်ကျနေတယ်။ ကံကောင်းချင်တော့ လပေးနဲ့ အကြွေးရမယ်တဲ့။ ကံဆိုးချင်တော့ ရွေးစရာက များများစားစားမရှိပဲ ကိုယ်သိပ်မသိလှတဲ့ ၆၄ ဘစ် ရှုမျှော်ခင်း ပြူတင်းပေါက် စနစ် ပါတာကြီး ၀ယ်လိုက်ရတယ်။ ဘာပဲပြောပြော ငွေတပြားမှ လက်ငင်းမပေးရပဲ ကံကောင်းစွာနဲ့ ၁၃ လက်မ ဒဲလ် ပေါင်တင်ကွန်ပျူတာလေး ရလိုက်တယ် ဆိုပါတော့။ ဒီမှာ ဇာတ်လမ်းစတော့တာပဲ။

ကံဆိုးချင်တော့ အရင်သုံးဖူးသမျှ အပျော့ထည် အတော်များများက ၆၄ ဘစ် ရှုမျှော်ခင်းစနစ် နဲ့ သိပ်ပြီး သဟဇာတ မဖြစ်လှဘူး။ ကံကောင်းချင်တော့ ၆၄ ဘစ် ရှုမျှော်ခင်းက သဘောထားကြီးကြီးနဲ့ တချို့ ၃၂ ဘစ် အပျော့ထည်တွေကို သုံးခွင့်ပေးထားတယ်။ ကံဆိုးချင်တော့ အဲဒီ ၃၂ ဘစ် အပျော့ထည်တွေကိုသုံးရင် ရှုမျှော်ခင်းရဲ့ အင်အားပြည့်သုံးလို့ မရဘူး။ ဂီယာ ၅ ချက်ပါတဲ့ကားမှာ နံပါတ်သုံးဂီယာနဲ့ ဖိနင်းနေသလိုဖြစ်နေတာ။

ကံကောင်းချင်တော့ အပျော့ထည်တွေ အတော်များများက ၆၄ ဘစ် အတွက် ပြင်ဆင်လာကြတာပါဘဲ။ အင်မတန် ကံဆိုးတဲ့ အချက်က မိုက်ခရိုဆော့ရဲ့ ရုံးသုံး အပျော့ထည် ကိုယ်၌က ၃၂ ဘစ်ဖြစ်နေတာ။ ဘာပဲဖြစ်ဖြစ်လေ ကံကောင်းချင်တော့ ပေါင်တင် ကွန်ပျူတာ ၀ယ်တုန်းက ခွန်နစ်ထွက်ရင် အလကားပေးမယ်ဆိုတဲ့ ကတိပါလာတယ်။ ကံဆိုးချင်တော့ ခွန်နစ်ထွက်ထွက်ချင်း အင်တာနက်က ဒေါင်းလုပ် ပေးမလုပ်ဘူး။ ကံကောင်းချင်တော့ အိမ်ကို ဒီဗီဒီ ပို့ပေးလာတယ်။

ကံဆိုးချင်တော့ ရှုမျှော်ခင်းကနေ ခွန်နစ်ကို အပြောင်းမှာ အရင်တင်ထားတဲ့ ဗိုင်းရပ်သတ်သမား မက်ကဖီးက လာနှောင့်နေတယ်။ ခွန်နစ် နဲ့ မက်ကဖီးက မတည့်ကြဘူးလေ။ ခွန်နစ်ကပြောတယ် မက်ကဖီးရှိရင် နင့်ပါတီကို ငါမလာဘူးတဲ့။ လူတွေတင် သင်းခွဲသလား အောင့်မေ့တယ်။ ဘယ်ဟုတ်မလည်း အပျော့ထည်တွေ အချင်းချင်းတောင် သူ့အကန့်လေးနဲ့သူ နေကြတာကလား။ ကံကောင်းချင်တော့ မက်ကဖီးကို ဖြုတ်လို့ရတယ်။ ကံဆိုးချင်တော့ တခြား အပျော့ထည် တော်တော်များများကိုလည်း ယာယီ ဖြုတ်ပစ်လိုက်ရတယ်။ ကံကောင်းချင်တော့ ခွန်နစ်က သူနောက်တော့ ပြန်တင်ပေးပါမယ် ဆိုပဲ။

ကံဆိုးချင်တော့ ၂ နာရီလောက် ကြာမယ် ပြောထားတဲ့ အဆင့်မြှင့်ကိစ္စဟာ ၄ နာရီခွဲ တိတိကြာသွားပါတယ်။ ကံကောင်းချင်တော့ ယာယီဖြုတ်ထားတဲ့ အပျော့ထည်တွေ အကုန် ပြန်တက်လာပါတယ်။ ကံဆိုးချင်တော့ ရှုထောင့် ထဲမှာ မက်ကဖီးရဲ့ ခြေရာလက်ရာတွေကျန်နေပြီး သူ့ကိုဖွင့်တိုင်း အယ်ရာတက်နေပါလေရော။ ကံကောင်းတာလေး တစ်ခုက ရှုမျှော်ခင်းမှာတုန်းက တင်ထားတဲ့ ဇော်ဂျီ ၂၀၀၇ ဖောင့်နဲ့ လက်ကွက်က ခွန်နစ်မှာ အေးဆေး အလုပ်လုပ်နေပါတယ်။

ဘာပဲပြောပြော အားလုံးကို ခြုံကြည့်လိုက်ရင် မုဒုံစောင်က အကောင်းဆုံး ... အဲလေ ... ကံကောင်းပါတယ်လေ။ ခွန်နစ်မှာ အလုပ်လုပ်ရတာ အတော့်ကို ပေါ့ပေါ့ပါးပါးနိုင်ပြီး အဆင်အပြင်လေးကလည်း ရိုးရှင်းတယ်။ ကိုယ့်အလုပ်စားပွဲ အသစ်လေးကတော့ အောက်မှာပါ။



ခက်ဆစ်

အပျော့ထည် - software
၆၄ ဘစ် ရှုမျှော်ခင်း ပြူတင်းပေါက် စနစ် - 64-bit Windows Vista
ပေါင်တင်ကွန်ပျူတာ - Laptop
ခွန်နစ် - Windows 7
မိုက်ခရိုဆော့ ရုံးသုံး အပျော့ထည် - Microsoft Office
ရှုထောင့် - Microsoft Outlook
အယ်ရာ - error

9 comments:

ထင်အောင်ကျော် said...

ပေါင်တင်ဆိုတာလေးတော့ကြိုက်သွားပြီ...တော်သေးတာပေါ.
ကွန်ပျူတာပေမိုလို့ ပဲ...

Anonymous said...

ကံကောင်းတာ ကံဆိုးတာတွေကို ရောထွေးနေတာပဲကိုး .. နောက်ဆုံးရလဒ်ကတော့ ကံကောင်းတာမို့ တော်သေး ..

(စိုးစိုး)

pandora said...

သြော်.. ကံကောင်းကံဆိုးတွေ ရောထွေးနေတဲ့ လောကီလူ့ဘ၀ကို သံဝေဂရစရာ ပို့စ်ကလေးပါလား
ဝေါဟာရတွေကလည်း မြန်မာရနံ့တွေနဲ့ ထုံမွှမ်းထားလေတယ်။
ကောင်းလေစွတကား...

၀၀၀၀၀၀၀၀၀၀၀၀၀၀၀
(ဖြန့်ထားသော စိတ်ပုတီးပုံ ဖြစ်သည်)

zizawa said...

ကံကောင်းချင်တော့ ပို့အသစ်ဖတ်ရတယ်။ ကံဆိုးချင်တော့ တောသားနားမလည်ဖြစ်နေတယ်။ technological discrimination ဆိုတာ ဒါပဲဖြစ်မယ်။ ဒီစာကို ဒီcontext ထဲမှာ ကျင်လည်သူပဲ နားလည်နိုင်မယ်။ အားမပေးခြင်းမဟုတ်။ တွေးပေးခြင်းသာဖြစ်၏။ ဆက်ရေးပါဟု ပြောခြင်းဖြစ်သည်ဟု မှတ်ယူလော့။ ရှုပ်သွားပြီ။ သွားတော့မယ်။

Ye-Mon said...

ဖုန်တက်နေသော ကျွန်ုပ်၏ဘလောက်ကို မပျက်မကွက် လာရောက် အားပေးကြသော ခွန်နစ်ရက်သားသမီး မိတ်ဆွေအပေါင်းတို့အား ကျေးဇူးဥပကာရ အထူးတင်ရှိပါကြောင်း ...

Nge Naing said...

ကံကောင်းတာရော ကံဆိုးတာရော လာဖတ်သွားပါတယ်။ အကောင်းနဲ့ အဆိုးက အမြဲတမ်း ဒီလိုပဲ ဒွန်တွဲနေတတ်တာပဲ မဟုတ်လား။

သက်ဝေ said...

ကံကောင်းစွာနဲ့ LapTop အသစ်တလုံးရတယ်...
Window 7 ကြီးက ဘာမှန်းမသိ ညာမှန်းမသိနဲ့ ပါလာတယ်...။
ကံဆိုးချင်တော့ Window 7, 64 Bit မှာ ဇော်ဂျီကီးဘုတ် တင်လို့မရဘူး... ဒီတော့ မြန်မာစာကို မြင်ရုံပဲ မြင်ရပြီး စာရိုက်လို့ မရဘူး ဖြစ်သွားတယ်...။

ကိုရဲမွန်ရေးထားတဲ့ ကံဆိုး ကံကောင်း အကြောင်းတွေထဲမှာ အဲဒီအကြောင်း မပါတော့ ဘာမှပြဿနာ မပေါ်ဘူးလို့ ယူဆမိပါတယ်...။ ဘယ်လိုနည်းနဲ့ ပြေလည်နေတယ်ဆိုတာလေး သိချင်မိပါတယ်...။ ကျေးဇူးတင်ပါတယ်...။

Ye-Mon said...

ကျွန်တော် ဇော်ဂျီတင်တုန်းက ကျွန်ပျူတာက Vista နဲ့ပဲ ရှိသေးတယ်။ http://www.zawgyi.net/ ကနေရတဲ့ keyboard installer ကို သုံးခဲ့တာပဲ။ နောက်ပြီး Vista 64 bit ကနေ Windows 7 64 bit ကို migrate လုပ်တော့ ဇော်ဂျီ လက်ကွက်နဲ့ ဖောင့်တွေက သူ့ဖာသာ အလိုလျောက် ဆက်ပြီး အလုပ် လုပ်နေတယ်။
ဇော်ဂျီဝက်ဆိုဒ်က ကီးဘုတ် အင်စတောလာက Vista 64 bit မှာ အင်စတော ရတယ်ဆိုတော့ 7 မှာလည်း ရမလားမသိဘူး။ သိပ်တော့ မသေချာပါ။ Restore point လေး မှတ်ပြီး စမ်းကြည့်ပါလား။

သက်ဝေ said...

မေးထားတာကို ချက်ချင်း ဖြေပေးတဲ့ ကိုရဲမွန်ကို ကျေးဇူးတင်ပါတယ်။ စမ်းလို့ရသလောက်တော့ တော်တော်များများ စမ်းပြီးပါပြီ...။

http://www.zawgyi.net/ က ကီးဘုတ်လဲ တင်ကြည့်ပြီးပါပြီ...။ ဘယ်လိုမှ မ Run တာပါ။ မေးကြည့်လို့ သိရသလောက်ကတော့ Window 7 မှာ 32 Bit တွေက ရပြီး 64 Bit တွေက အခုထိ မရသေးဘူးလို့ သိရပါတယ်...။

အခု ကိုရဲမွန်က ရနေတယ် ဆိုတော့ ကံက ထူးထူးခြားခြားကို ကောင်းနေတယ်လို့ ယူဆလိုက်ပါ...

သတင်းထူးရင် အကျိုးအကြောင်း ပြန်လာပြောပါ့မယ်။ ကျေးဇူးနော်...း)