ဘော်တီးမိုး မြို့နေ ရဲမွန်ဆိုသူ သည် ဘလောက်ဂါ တစ်ယောက် အဖြစ်သို့ အင်မတန် နောက်ကျစွာ ရောက်ရှိလာခဲ့သည်။ အစပိုင်းတွင် အင်္ဂလိပ် လိုသာ ရေးနိုင်သော်လည်း၊ နောက်ပိုင်းတွင် ၀င်း-အင်းဝ ဖောင့် ကိုသုံး၍ မြန်မာလို ရေးနိုင်လာသည်။ သို့ရာတွင် ၀င်းအင်းဝ ဖောင့်ရှိသော သူများသာ ဖတ်ရှုနိုင်လေသည်။ သို့ဖြင့် လူပြောများနေသော ဇော်ဂျီ ခေါ် မြန်မာ ယူနီကုဒ် စနစ်ကို ၄င်း၏ ကွန်ပျူတာတွင် စမ်းသပ်ကြည့်၏။ ကျွမ်းကျင်သူ မဟုတ်သဖြင့် ဇော်ဂျီ လက်ကွက် ကို တင်ရာတွင် များစွာ ဒုက္ခ တွေ့လေသည်။ စာလုံးများမှာ ပေါ်လိုက်၊ ပျောက်လိုက်၊ လေးထောင့်ဖြစ်သွားလိုက်၊ အ၀ိုင်း ဖြစ်သွားလိုက် ? ပုံပေါ်လိုက် နှင့် ရှိနေသည်။ ဇော်ဂျီဖောင့် ကိုလည်း တင်လိုက် ပြန်ဖျက်လိုက် နှင့် ကြိ်မ်ဖန်များစွာ ပြုလုပ်ရလေသည်။
တစ်နေ့သ၌ ဇော်ဂျီဖောင့် ကို ဖျက်ထားလျက်နှင့် မြန်မာ ဘလောက်ဂါ ဂုရုကြီး ကိုမောင်လှ ၏ မြန်မာစာ ဖြင့်ရေးထားသော ဘလောက်ကို ၄င်း၊ အိပ်မက် ခေါ် အွန်လိုင်း မြန်မာ မဂ္ဂဇင်းကို၎င်း၊ ဖိုရမ်အမ်ကို၎င်း ကောင်းစွာဖတ်ရှု၍ ရကြောင်း အမှတ်မထင် တွေ့ရှိလိုက်လေသည်။ ထိုအခါမှ အံ့သြခြင်းကြီးစွာ ဖြစ်ကာ အကြောင်းရင်းကို ရှာရသည်။ အကြောင်းရင်းကား ကိုမောင်လှ ရှင်းပြထားပြီးသားဖြစ်သော eot လုပ်နည်း ဆိုသည့် အချက်ကို ဂရုမပြုမိခဲ့ခြင်း ကြောင့်ပင်။ အိပ်မက်၏ မော်ဒရေတာကလည်း ထပ်လောင်းရှင်းပြလေသည်။ ဖိုရမ်အမ် မော်ဒရေတာ ကိုရဲသွေး ကမူ html နှင့် css အကြောင်းရေးထားသော ebook များကိုပေးဖတ်လေသည်။
ဤသို့ဖြင့် စာဖတ်လိုက်၊ ကိုမောင်လှရဲ့ လမ်းညွှန်ချက်အတိုင်း စမ်းကြည့်လိုက်နှင့် ဘလောက်ဂါ သက်တမ်း တစ်လနှင့် ၃ ရက်မြောက်နေ့တွင် မြန်မာ ယူနီကုဒ် စနစ်ကို ၄င်း၏ ဘလောက်တွင် အောင်မြင်စွာ ထည့်သွင်း အသုံးပြုနိုင်လိုက်သည်။ ထို့ကြောင့် အတိုင်းတိုင်း အပြည်ပြည်တွင် ရှိကြကုန်သော မြန်မာ မိတ်ဆွေများ အနေဖြင့် IE (Internet Explorer) ကို အသုံးပြုသမျှ ကာလပတ်လုံး၊ မြန်မာဖောင့် ရှိသည် ဖြစ်စေ၊ မရှိသည်ဖြစ်စေ၊ ရဲမွန်၏ ဘလောက်ကို ဖတ်ရှုနိုင်လေပြီ။
ဤသို့ အဆင်ပြေစေရေး အတွက် ကူညီခဲ့ကြသော အွန်လိုင်း မိတ်ဆွေများဖြစ်ကြသည့် ကိုမောင်လှ၊ အိပ်မက် မော်ဒရေတာ၊ နှင့် ဖိုရမ်အမ် မော်ဒရေတာ ကိုရဲသွေး တို့ကို ရဲမွန်မှ နေ၍ အထူး ကျေးဇူးတင်ရှိကြောင်း ပြောကြားလေသည်။
အံ့စရာ နည်းပညာလောကပါတကား။
3 comments:
Good hta, good hta...
Nice site!
:)
Thanks for visiting guys/gals.
Post a Comment