Taking courses for Audit and Credit

၁၃၊ ၇၊ ၂၀၀၇

အောဒစ် နှင့် ခရက်ဒစ်

ပြုစုသူ။ ။ ရဲမွန်မြင့်

ဝန်ခံချက်

ပြုစုသူ၏ ကိုယ်ပိုင်အတွေ့အကြုံ နှင့် ဘလွန်းဘတ် ပြည်သူ့ကျန်းမာရေးကျောင်း (Johns Hopkins Bloomberg School of Public Health) ၏ သတ်မှတ်ချက်များအပေါ် အခြေခံ ရေးသားခြင်းဖြစ်သည်။ ကျောင်း၊ ဘာသာရပ်အလိုက် ကွဲပြားမှုများ ရှိနိုင်ကြောင်း သတိချပ်ပါ။ လက်ရှိအနေအထားနှင့် လိုအပ်ချက်များကို သိရှိလိုပါက သက်ဆိုင်ရာ ကျောင်း၊ ဌာနများ၏ ၀က်ဆိုဒ်များကို လေ့လာဖတ်ရှုပါရန် တိုက်တွန်းလိုသည်။ ဤရေးသားချက်များမှာ နိဒါန်းသဘောမျှ ပြောပြလိုခြင်းသာဖြစ်သည်။

မိတ်ဆက်

ပြည်သူ့ကျန်းမာရေးမဟာဘွဲ့ တက်ရာတွင် မဖြစ်မနေ ယူရမည့်ဘာသာရပ်များ (Required Courses) ရှိသလို စိတ်ကြိုက်ယူနိုင်သော ဘာသာရပ်များ (Elective Courses) လည်း ရှိကြောင်းပြောခဲ့ပြီးဖြစ်သည်။ ထိုကဲ့သို့ ဘာသာရပ်များကို ရွေးချယ်နိုင်သလို ဘာသာရပ်တစ်ခုချင်းစီကို သင်ယူရာတွင် အောဒစ် (Audit) အနေဖြင့် ယူမည်လော သို့မဟုတ် ခရက်ဒစ် (Credit) အနေဖြင့် ယူမည်လော ဆိုသည်မှာ ကျောင်းသား၊သူ များ ဆုံးဖြတ်ရမည့် ကိစ္စ တစ်ခုပင်ဖြစ်သည်။ အရွေးအချယ်မှားလျင် နောက်ပိုင်း ဆက်လက်သင်ယူမည့် ဘွဲ့များ၊ သင်တန်းများတွင် အခက်အခဲ ရှိနိုင်သည်။

အောဒစ် (Audit) ဆိုသည်မှာ

လေ့လာလိုသည့် သဘောဖြင့် အတန်းသွားတက်ခြင်းကို ဆိုလိုသည်။ အိမ်စာများ၊ ကြိုတင်လေ့လာရန် စာတမ်းများကို လုပ်ဆောင်ရန် မလိုပေ။ အဖွဲ့လိုက် လုပ်ဆောင်ရသည့် စာတမ်းများ (Group work) တွင်လည်း တာဝန် သိပ်မယူရပေ။ ဆရာက ခွင့်ပြုဖို့တော့လိုသည်။ ကျောင်းလခ ပေးရန်မလို။ ထို့ကြောင့် ကျောင်းအနေဖြင့် ဤကျောင်းသားမျိုးအတွက် ၀င်ငွေမရပေ။

အားသာချက်

• မိမိအနေဖြင့် ဘာသာရပ်တစ်ခုအကြောင်းကို လေ့လာလိုသည်။ အကြမ်းဖျဉ်းသိလိုသည်။ သို့သော် အိမ်စာလုပ်ရန် နှင့် စာလိုက်ဖတ်ရန် အချိန်မပေးနိုင်ပါက အောဒစ် အနေဖြင့်တက်လျင် အဆင်ပြေသည်။
• ပွင့်ပွင့်လင်းလင်း ပြောရလျင် သူများ ဒီဘာသာရပ်အကြောင်းပြောနေလျင် နည်းနည်း လိုက်ရွှီး နိုင်သည်။ ဘာတွေပြောနေလဲ ဆိုတာ နားလည်သည်။ နှိုက်နှိုက်ချွတ်ချွတ် မေးလာလျင်ကား ကျွန်တော်၊ ကျွန်မ စာအုပ်ပြန်ကြည့်ပေးပါမည် ဟု ပြောရပေတော့မည်။
  

အားနည်းချက်

• သင်ကြားသည့်ဆရာက ဒီကျောင်းသားဟာ မိမိဘာသာရပ်ကို အာပလာ ထင်ပြီး အပျော်လာတက်သည်ဟု ယူဆကာ သိပ်မကြိုက်လှ။ ဒါကလည်း ဆရာပေါ်မူတည်သည်။ လူတက်နည်းသော အတန်းတွင် မိမိက အောဒစ်ယူမည် ဆိုလျင်ပင် ဈေးသည် နမူနာပေးသည့် သဘောဖြင့် ဆရာက လိုလိုချင်ချင် လက်ခံတတ်သည်။ နောင်အခါ ခရက်ဒစ်ယူသည့် ကျောင်းသား ဖြစ်လာနိုင်သည် မဟုတ်လော။
• မိမိ၏ အနီးကပ်ကြည့်ကြပ်သောဆရာ (Academic adviser) ကလည်း ဒီကျောင်းသားကတော့ဖြင့် စာကို ထဲထဲဝင်ဝင် မလေ့လာချင်ဘူးဟု အမြင်ရောက်စေသည်။ ထိုသို့မြင်လျင် နောက်နောင် ထိုဆရာထံမှ ထောက်ခံစာ တောင်းခံရာတွင် ပြဿနာ ရှိလာနိုင်သည်။
  
• နောက်ပိုင်းတွင် ထိုဘာသာရပ်ကို ပိုပြီး စိတ်ဝင်စားလာကာ ထိုဘာသာနှင့် ဆက်စပ်သော အခြားအတန်းများကို ဆက်တက်ချင်လာမည်။ သင်တန်းလက်မှတ် (Certificate) ရအောင် သို့မဟုတ် ဘွဲ့ (Degree) ရအောင် ဆက်သွားမည်ဆိုလျင် အောဒစ် အနေဖြင့် တက်ထားခြင်းက မလုံလောက်ပါ။ ထိုအတန်းကိုပင် ခရက်ဒစ်အနေဖြင့် ပြန်လည်တက်ရပေမည်။ ယေဘူယျအားဖြင့် အတန်း (Course) တစ်ခုမှာ တစ်နှစ်လျင် တစ်ခါမျှသာ သင်ကြားသဖြင့် နောက်နှစ် ဒီအချိန်ရောက်သည်အထိ ပြန်လည် စောင့်စားရတတ်သည်။ ထိုအခါ အချိန် အလွန်ပုတ်ပါသည်။

ခရက်ဒစ် (Credit) ဆိုသည်မှာ

အတန်း (Course) တစ်ခုကို ပီပီပြင်ပြင် လေ့လာခြင်းပင်။ ဖတ်စရာရှိသည်များကို ဖတ်မည်၊ အိမ်စာလုပ်စရာရှိလုပ်မည်၊ အတန်းထဲတွင် ဦးဆောင်ဆွေးနွေးစရာရှိ ဆွေးနွေးမည်၊ အဖွဲ့လိုက် လုပ်ဆောင်စရာ ရှိသည်များတွင် မျှမျှတတ တာဝန်ယူမည်၊ စာမေးပွဲ ဖြေမည်
အစရှိသည်တို့ဖြစ်သည်။ ခရက်ဒစ်တွင်ပင် နှစ်မျိုးခွဲ ၍ ရနိုင်သေးသည်။

1. အောင်၊ရှုံး (pass/fail) နှင့်
   
2. ဂရိတ် (letter grade) တို့ဖြစ်သည်။

အောင်၊ရှုံး ဆိုသည်မှာ

စာမေးပွဲ (သို့) စာတမ်း လုပ်ဆောင်ပြီးလျင် ဤဘာသာရပ်ကို အောင်မြင်သည်၊ ကျရှုံးသည်ဟု သာ ထုတ်ပြန်ပေးသည်။ ရရှိသည့် အမှတ် အတိအကျကို မပြောပေ။

ဂရိတ် ဆိုသည်မှာ

စာမေးပွဲ (သို့) စာတမ်း လုပ်ဆောင်ပြီးလျင် အမှတ်မည်မျှ ရသည်ဟု ထုတ်ပြန်ပေးသည်။ သို့ရာတွင် ဂရိတ်ပေးပုံ ပေးနည်းမှာ ကျွန်တော်တို့ ရန်ကုန်ရှိ ဆေးတက္ကသိုလ်တွင် အမှတ်ပေးပုံနှင့် အနည်းငယ် ကွာခြား၍ နည်းနည်း ရှင်းလင်းလိုသည်။

ရန်ကုန်တွင် အမှတ် ၁၀၀ ပေးရာ၌် မိမိက မည်မျှရသည်ဟု ပြောသည်။ ထို့နောက် ရမှတ် ၉၀ ကျော်လျင် ဂရိတ်အေ (Grade-A) ရမှတ် ၈၀ မှ ၉၀ ကြား ရလျင် ဂရိတ်ဘီ (Grade-B) စသည်ဖြင့် ခွဲခြားလေ့ရှိသည်။ ထို့ကြောင့် အချို့ ဘာသာရပ်များ (ဥပမာ - မြန်မာစာ) ဆိုလျင် အမှတ် ၉၀ ကျော်သူ မရှိသလောက်ရှားရကား ဂရိတ်အေ ရသူ လုံးဝမရှိသည့် နှစ်များပင်ရှိသည်။

ဂျွန်စ်ဟော့ပ်ကင်း၏ အမှတ်ပေးပုံမှာ အမှတ် ၁၀၀ တွင် ဤကျောင်းသား မည်မျှရသည် ဆိုသည်အထိ ရန်ကုန်ကျောင်းနှင့် အတူတူပင်။ သို့ရာတွင် ဂရိတ်ခွဲပုံကွာခြားသည်။ ယခုနှစ် တက်သည့် ကျောင်းသားအားလုံးထဲမှ အမှတ်အများဆုံး ရသည့် ၁၀ ရာခိုင်နှုန်းသည် ဂရိတ်အေ (Grade-A) ရရှိပြီး ဒုတိယ အမှတ်အများဆုံး ကျောင်းသား ၁၀ ရာခိုင်နှုန်းက ဂရိတ်ဘီ (Grade-B) ရရှိလေသည်။ (မှတ်ချက်။ ။ ချွင်းချက်ရှိသော ဘာသာရပ်များ ရှိသည်။) တစ်ခါတစ်ရံ မေးခွန်းခက်သဖြင့် အမှတ်အများဆုံး ကျောင်းသားပင် ရမှတ် ၈၅ ခန့်သာ ရရှိသည် ဆိုပါစို့ ထိုကျောင်းသားသည် ရန်ကုန်မှ အမှတ်ပေးစနစ် အတိုင်းဆိုလျင် ဂရိတ်ဘီ ဖြစ်နေပေမည်။ သို့ရာတွင် ဂျွန်စ်ဟော့ပ်ကင်း ဂရိတ်သတ်မှတ်ပုံအရ ထိုကျောင်းသားမှာ ဂရိတ်အေ ကျောင်းသားပင်ဖြစ်သည်။ အနှစ်ချုပ်ရလျင် ဂရိတ်အေ (Grade-A) ဆိုသည်မှာ အတန်းထဲရှိ အမှတ် အများဆုံး ကျောင်းသား ၁၀% တွင် ပါဝင်သည်ဟု ဆိုလိုရင်းဖြစ်သည်။

အောင်၊ရှုံး (pass/fail)
အားသာချက်

• စာအများကြီး ဖတ်ရန်မလို။ အောင်ရုံလောက်သာ ဖတ်ရန်လိုသည်။
• အချိန်သိပ်မကုန်။
• စာကို အော်ဒစ်ယူသည်ထက် ပိုနားလည်နိုင်။
• ဘွဲ့(Degree) သို့မဟုတ် သင်တန်းလက်မှတ် (Certificate) ရရှိရန်လုံလောက်နိုင်သည်။ (မှတ်ချက်။ ချွင်းချက်များရှိသည်ကို သတိပြုပါ။)
• အောင်၊ရှုံး သိရသဖြင့် မိမိ တကယ် သိမသိကို စမ်းစစ် ပြီးသားဖြစ်သည်။

အားနည်းချက်

• တစ်ခါတစ်ရံ ဘွဲ့(Degree) သို့မဟုတ် သင်တန်းလက်မှတ် (Certificate) ရရှိရန် မလုံလောက် သဖြင့် ဂရိတ် (letter grade) အနေဖြင့် ထပ်မံ တက်ရသည်မျိုး ဖြစ်နိုင်သည်။ အချိန်ပုတ်သည်။
• အလကား မရ။ ကျောင်းလခ ပေးရန်လိုသည်။
• အနီးကပ်ကြည့်ကြပ်သောဆရာ (Academic adviser) က မကြည်မဖြူဖြစ်နိုင်သည်။ (မှတ်ချက်။ ဆရာပေါ်မူတည်။ ပုံသေမမှတ်ပါနှင့်။)

ဂရိတ် (letter grade)
အားသာချက်

• ဘာသာရပ်ကို ထဲထဲဝင်ဝင် လေ့လာမိသည်။
• မိမိ ဘယ်လောက် နားလည်သလဲ ဆိုသည်ကို စမ်းစစ်ပြီးသားဖြစ်သည်။
• ဘွဲ့(Degree) သို့မဟုတ် သင်တန်းလက်မှတ် (Certificate) ရရှိရန်လုံလောက်သည်။ (မှတ်ချက်။ လိုအပ်သော ဂရိတ်ရရန် အရေးကြီးသည်။ ဂရိတ်စီ (Grade-C) ရနေပါက သိပ်မကောင်းပေ။ ထိုအတန်းကို ပြန်တက်ရတတ်သည်။)
• ဂရိတ်ကောင်းလျင် အနီးကပ်ကြည့်ကြပ်သောဆရာ (Academic adviser) ရှေ့တွင် မျက်နှာပန်းလှသည်။ အလုပ်လျောက်ရန် ထောက်ခံခိုင်းလျင် အားသာသည်။

အားနည်းချက်

• အချိန်တော်တော် ပေးရသည်။
• ဂရိတ်ကောင်းကောင်း ရမှ ရပါ့မလားဟု စိတ်ပူပန်ရသည်။
• အလကား မရ။ ကျောင်းလခ ပေးရန်လိုသည်။

ဤဆောင်းပါးနှင့် ပတ်သက်၍ ဆက်သွယ်မေးမြန်းလိုပါက

Myanmar Development Community Forum (MDCF) တွင် လာရောက် မေးမြန်းပါရန် ဖိတ်ခေါ်အပ်ပါသည်။

"ကြိုတင်ပြင်ဆင်အောင်ပွဲဝင်"

အားလုံး အဆင်ပြေကြပါစေ။
မောင်ရဲမွန်